Anëtarësia

Anëtarësia në SHSHR është vullnetare. SHSHR mund të ketë edhe anëtarë nderi e anëtarë bamirës. Anëtarë janë specialistët radiologë që punojnë në radiologji, dhe kushdo që ndihet i interesuar dhe i lidhur me fushën përkatëse. Titulli “Anëtarë Nderi” konsiderohen radiologët me kontribute të shquara, me propozim të Presidentit të nderit ose Kryetarit dhe me vendim të Bordit Drejtues.

Titulli “Anëtarë Bamirës” mund t’i jepet me propozim të Presidentit dhe vendim të Bordit te SHSHR, personave fizike ose morale qe ndihmojne për fuqizimin dhe zhvillimin e shoqates me ane te mbeshtetjes financiare, lënies ose dhurimit të pasurisë a të vlerave financiare me testament. Anëtarët e SHSHR kanë të drejtën të zgjidhen në Bordin Drejtues, të marrin pjesë në veprimtarinë e saj si dhe të kontribuojnë për zhvillimin, dhe reputacionin e saj. Anëtarët janë të detyruar të paguajnë rregullisht kontributin vjetor të anëtarësisë në SHSHR. Anëtari i SHSHR-së është i lirë të heqë dorë nga anëtarësia duke njoftuar me shkrim Bordin Drejtues te SHSHR. Anëtarësimi në shoqatë bëhet duke i paraqitur Bordit Drejtues te SHSHR, kërkesën me shkrim, ku të cilësohet edhe se “Pranoj Statutin e SHSHR”. Me pranimin e kësaj kërkese nga Bordi Drejtues, emri i tij regjistrohet në Regjistrin e SHSHR. E drejta e anëtarësisë as nuk tjetërsohet as nuk trashëgohet. Anëtari i SHSHR mund të çrregjistrohet në rast se nuk zbaton apo del jashte statutit të shoqatës. Crregjistrimi nga shoqata bëhet me propozim të Kryetarit të SHSHR dhe me vendim/miratues të Bordit drejtues në situatat si më poshtë:

a) kryen veprime që dëmtojnë shoqatën dhe/ose interesat e saj;
b) nuk paguan kontributin vjetor të anëtarësisë për 2 vjet rrjesht;
c) dënohet me vendim të formës së prerë për një vepër penale të kryer me dashje;
d) shkelje të normave të moralit dhe të etikës të papranueshme dhe të konsideruara si të tilla nga Asambleja e Përgjithshme.